靜待時箕

2010 大事回顧

2011-01-05T15:46:00.002+08:00

熟悉我的人都知我每一年都做大事回顧，今年也一樣。首先做回顧之前，希望將你們的網誌地址FORWARD 給我，因為之前電腦的問題，一次過消失了大家的聯絡，又或者大家好似我咁，己經5 個月無 UPDATE BLOG。
為何會揀今天呢？因為放假囉，又一次晒自己有薪假，但大家唔好介意及誤會，因為我每年只有 21 天覺得我比你們幸福，當老細你們賺我幾倍人工時，我有二百幾天係羨慕緊你地。上一年 ... 又放棄了置業的機會，近期老細叫我地執一執個 CPD (持續進修紀錄) ，發覺自己呢兩年真係好懶，你可以話因為入法國後有好多O野要溫，無時間進修，但呢兩年做了 TEAM HEAD 其實己經好穩定，係自己懶了，或是因為家庭出了問題，有更重要的事情需要做。2010 年我覺得都幾 HEA，好彩最未俾我考到 ACSM 個 CERT. ﹐否則我覺得今年係退步了，很想有自己的書枱來溫書，但結婚後這股動力沒有了 (因為和人分享了 ...) 不知怎的，總覺得 2010 不知不覺、糊裡糊塗、求求其其就度過了。幾年前什麼修身、齊家、治國、平天下的理念沒有了，大肚腩一天一天的大，事業上平平穩穩，兩口子仍在三百幾尺 (其實得二百幾尺) 的家中生活 ... 真的 ... 很開心 ... 很期待 2011 年的來臨，因為至少我一定會搬，2011 年我一定有至少一件大事發生 (到時希望各位好友幫幫手搬)，我決定定時做運動，目標減去個肚腩 (好似己經係呢三年的目標)，今年亦都希望讀多 D 書，充實下自己，做做下好似做緊前瞻多過回顧 ^0^
最後希望今年大家都身體健康、賺多 D 錢、心想事成、想O個樣有O個樣、開開心心，加油！！

士為知己者死

2010-07-30T15:47:00.002+08:00

8 月又一次大地震，總共有 3 位治療師走，老實講，老馬走O左之後實在自由了很多，無乜壓力，走了這三位治療師之後，更覺得自己地位實在了，因為這 3 位都是有經驗的治療師，走了之後我唔敢講老細無O左我唔掂，但若果我走了，他都會頭痕一陣。話說回來，點解今日咁得閒寫日誌，因為拎了病假。這是打工的好處，本來都諗住撐埋今日，因為已發燒了 2 天，今天小晴話唔俾我返工，心諗前陣子的事，實在無謂賣命，放自己一天假，又有什麼問題，這是我的權利。
話說前排運動室易將，一個舊同學做了那裡的 TEAM HEAD，正所謂新官上任，使用了很多新制度，制度是用來令工序順暢，我一向都贊成，但若果工序變得刻板，不能變通，只會令民怨沸騰，最後只有革命政變或者變成在工廠內工作。我都不想多說什麼事情令我和這位同事持不同意見，總之最後老細竟然幫這位同事都不站在我這一邊。我一直都知我唔係 "肥佬" (我老細) O既心腹，但我估唔到係一件平等的事上他都不能持平，我能夠為一個愚蠢O既老細賣命，但我絶不會為一個黑白不分的老細拼命，正所謂 "士為知己者死" 既然你不是伯樂，我也無需要為你效力。又一次令我產生出來做的念頭，眼看另一位出來開舖的朋友可以買樓，宜家外面係咪真係咁好境呀？但小晴做王太真係做得好好喎，每天返屋企有飯食，屋企又有人打掃，病了又有人煮好好味O既粥食，所以我都唔介意，既然係咁，我應該按章工作，病了，就唔好返工喇 ...

人來人去

2010-06-15T12:34:00.003+08:00

正所謂 "有人辭官歸故里，有人漏夜趕科場"，這個世界每天都變，不變的只有你自己。今天又收到消息，又有兩個同事會走，想不到老馬走了不夠兩個月，就己經有 3 個同事辭職，雖然好唔明點解 D 同事要走，之前就話老馬成日發癲，做得唔開心，但宜家走了，她的忠臣與心腹都相繼離去，我相信這個情況都會維持一段日子，但一個部門的發展，好睇管理階層，今次係兩個高層離職，睇O黎係最高層的考驗，若果佢地唔穗定一下民心，我相信最終會散。有人走就自然有人O黎，可能小晴講得O岩啦，始終我唔係呢個時段入O黎O既人，同新同事總有一些隔幕，而舊同事又一個一個咁走，真係有時候都幾寂寞。希望離職的同事真的會有一番新境象啦。
前兩天有人問我去唔去一個同事爸爸的葬禮，你都唔好話呢度邪，係度做O左 3 年就已經有 2 個同事阿爸爸突然過身，希望這位同事節哀順變啦，正所謂人來人去，有人誓世就有新生命，終於榮升為二叔，望著阿嫂個肚一天一天咁大，都好想佢快 D 生，平平安安，畢竟自己有個不愉快的經歷，所以好希望別人可以順順利利，而且這個是親人，六磅幾，雖然還未可以抱到上手，但已經覺得這個 BB 會很幸福，因為有我們這一家人為她緊張，ESTHER，祝你快高長大，健康快樂。

立冠又一

2010-06-06T10:47:00.002+08:00

同自己講聲生日快樂先！不知道為何今年多了人跟我說生日快樂，可能人越大越覺得友誼可貴。又大一歲了，今年真的發生了很多事，有不開心的，也有開心的。我每一年都會回顧，但今年真的不想作回顧，我希望做前瞻，因為我覺得人是需要有希望的、人是應該樂觀的。
今年同事又搞遊船河，真的不太想去，因為上一年老婆大著肚都去玩，卒之跌斷手，隨之小朋友也沒有了，不知是不是報應 ... 今年心裏都掙扎O左一陣，但要衝破就要去面對，畢竟人要向前望！
今年希望可以有點突破，會讀書考試，6 月將會有 3 個試要考，希望全部一 TAKE 過，最希望當然係小晴再次懷孕啦，但我知道這是天意，不得強求，總之聽從天意啦，亦希望今年可以置業，但睇美國現時經濟，我諗又要寄望下一年。
近呢幾個月都去了幾次旅行，再一次感受到打工的好處，剛剛醫院又話加假加到 21 日 (HA 有 25 日大假) 好O野，又可以休息下，所以近幾個月都有點 RELAX FEEL ，而且小晴近來下煮，終於一嘗幾天住家飯的好。
今個月應該有新生命的來臨，等了這麼久，終於為我們的小家族添了點生氣，希望姪女健健康康、開心快樂。本來有很多O野想講，但每一次埋到部機，打起字來又唔記得了，ANYWAY ，祝大家都健康快樂。

老細唔願見，存心扮低 B

2010-04-21T21:22:00.002+08:00

唔知大家有無睇鐵馬尋橋，可能有好多人會覺得唔好睇，但我就覺得幾好睇。當然最多人記住的都係「修合無人見、存心有天知」，我覺得這句話很有意思。今個星期開始，又俾人調了做門診，門診其實係龍口位，若果真係諗住等日出O黎開舖，MARK 定一兩個大馬沙真係唔錯，可惜 BOOKING 排到密密麻麻，做到有點抖唔到氣，希望遲 D 會適應多 D 。
星期二收到風，老馬 (其中一個老細) 會調去聖保褖醫院，真係對唔住碧姬，因為係佢爆料俾我聽，但我就爆響口，搞到佢俾人鬧，SOR 呀﹐不過，呢個消息真係好轟動，所以好想好多人好快知，但最後我都覺得收一收先，始終 "美好的一天即將來臨" ，雖然唔知佢係咪全個人調過去，不過，我諗至少我耳根會清靜唔少，而且呢個消息一出，我諗有好多人都會唔想辭職住 ... 哈哈
不過，話時話，我諗至少宜家己經有 3 個同事辭職，而且我見出面好多私家醫院都請人，可惜我知好多都係請女人，所以我都無寄信了。
睇到有同學仔可以出 PAPER，覺得自己近幾年都幾小圈子，係醫院不斷建立東西，可惜在自己的事業上好似無乜進展，今日去街工講書，佢地俾O左個長期服飾獎俾我，我心諗 ... 6 年O者，都唔係好老O者，唔係俾獎呀，不過，我確實係連續做得最耐O既一個員工，再諗深入 D ，自己係咪應該係另外一個層面上尋求一 D 進步與突破呢？ANYWAY，都係得個諗字 ...

復活節假的感想

2010-04-06T17:36:00.002+08:00

很難得復活節 5 天放了 4 天，可能係老細見我仲有大假未放，再唔放就更加多假啦。有假係打工的一個好處，試諗下呢 5 天，話就話假期，若果你係老細，其實你少了 5 天的收入了 ... (我都係唔適合做老細) 前陣子阿媽見小晴心情一般，想搵人打堂齌，其實心裏面有時候都會想起仔仔，尤其是今年特別多朋友大肚，見到一個二個都擁有自己的仔女，心裏都有點酸，有一次同阿豪傾起，佢都講得好O岩，即使小晴再懷孕，都唔代表你可以忘記上一個，因為他真的存在過。所以宜家諗番起，唔會再咁傷感，只會記得有他的回憶，人始終要向前看。
今年仍然有薪加，但又是一個 POINT，小晴話工作量越來越多，應該加更多，但我知道老細唔會囉，所以 3 月衝完一輪，扮完勤力之後又可以做回自己，近日有很多同事都話走，一個師妹就頂唔順太多O野做，另一個就因為俾人鬧得太多，睇番宜家O既形勢都幾惡劣，因為人其實剛剛夠，一有人請假就 DOWN 晒，新人O黎又要 TRAIN 過 ... 所以真的很難做，但有時候都明白點解 D 人會走，最唔明係新畢業的人，覺得人工差不多但這裡辛苦十倍，要知道這裡學到的外面一定學不到，我不是賣花讚花香，這裡學到的比醫院學到的多幾倍，最初都覺得政府醫院學到很多，但近期一個師弟的來臨令我覺得政府醫院 TRAIN 出來的都不一定是完美的。
小晴終於完成了她的學位課程，遺憾的是不能與 BB 一齊慶祝，但不打緊，因為他會繼續祝福我們。可能因為 BB 的事，令我覺得小晴需要更多的休息，她對她的工作環境己經很不滿，所以我覺得她不工作也不打緊，最緊要我有番個老婆，亦因為咁，我暫時唔可以出來闖住，我要一個穩定O既環境給我和我的家人。
近來很流行單眼反光鏡相機，之前都諗住 BB 出生就買番部，再加個 CAM，宜家就唔買住了。而我阿哥同我諗法一樣，所以佢買了 CANON 550D ，一下子突然好想研究點樣可以影靚相，買了本書研究緊，希望第日都買番部玩下。今年終於"的" 起心肝讀書，報了 ACSM O既 EXERCISE SPECIALIST ，希望一 TAKE 成功啦。話咁快就放完 4 天假，因為這星期都不是太舒服，難為了小晴陪了我整個假期在家，謝謝。很久無試過放假在家中休息，結論是 ... 我想買樓，不是住得不舒服，而是我想、我覺得應該可以更好 (可能是這幾天都有去人屋企，覺得自己屋企真的不太像樣，至少想招呼朋友的地方也沒有)，好！努力搵錢，搬大屋！！

放下工作

2010-03-16T10:54:00.002+08:00

想不到不斷叫人拍我型照，最後夠我內子完成。雖然唔係咩大機、專業相機，但都好滿意。

因為要清假，三月本來同屋企人去旅行，但父母剛剛去完新加坡，覺得太累，一心諗住香港 HEA 幾日就算，因為我從未試過放大假係香港過，點知小晴又話可以放假，太好了，地點真的無所謂，最後我地揀O左韓國首爾，其實我都無乜期望，總之有假放、有地方去，唔駛我煩就得，點知我一話去韓國，很多電話打俾我地兩個，真係少有。

還記得我星期一去報團，問佢有無星期四去日本的。有間旅行社話：玩O野咩先生，你星期一O黎問星期四的團，根係無啦，最快都要 ... 我都知，但我都係剛剛先肯定小晴有假放，急就急了點，一心都諗住短線團，所以入了中旅社。問問下個姐姐竟然彈了一個超抵韓國團，大家要知道女人O既心態，唔理咩地方，一講到平了很多的團，佢地就會去那個。所以最後我地去了韓國。
韓國我十年前都去過，所以都覺得可以去多次。而今次亦令我好滿意，旅行社啦，我覺得服務唔錯，不管個領隊好似跟團咁，但個導遊真係一百分，雖然我好少跟團，而且佢 D 資料亦有唔準O既時候，但整體來講，係我跟團咁多次最真的一個導遊。地點方面都有驚喜，有適合想看風景、游閒的我，亦有適合 SHOPPING 、購物的小晴，而且天氣，同團的人都好好，領隊最後都講得好O岩，我都無留意，真係要天時、地利、人和先得，所以總算係給我 2010 年的好開始，希望真的轉運，給我想要的。

唔知道大家有無睇 "老公萬歲"，身為老公的我就覺得好好睇，有些情節好搞笑，亦有一些好有同感，我唔係話小晴驚我出去滾，宜係只有身為老公先會感受到的經歷，或者新婚的朋友有機會一年後再睇睇，可能你都會覺得好睇。

三月，又係做年檢的時候。今年聽風聲有些同事好似無人工加，不過都係聽聞，不能盡信，我都係本著一個理念，你唔加人工俾我我都唔會辭職，但加俾我我就會幫你做 EXTRA WORK 囉，所以心情都 OK，無上一年咁緊張，三月仲要清假，睇O黎仲可以休息多一陣。

虎年 . 苦年

2010-02-18T12:22:00.002+08:00

終於過O左牛年，因為牛年真的唔開心，之前三年都犯太歲，但平安無事，但想不到今年之內發生了這麼多不幸的事。第一有血光之災，手肘傷到要聯針，第二無O左個 BB。之後又有很多投訢，工作失誤 ... 總之牛年就勁唔 "老黎" 啦。
等了很久才到了虎年，不知是我心情差定真係少了佈置，我覺得今年虎年少了點新年氣氛。四周圍都不是太多喜氣洋洋的臉孔，可能係自己心情都不是太好，臨近年尾有同事話我火氣大，我都唔覺，但新年小晴哭了，我才覺得自己確實係執著了點。可能牛年真的不如意，很容易就令我火起，對不起所有近日俾我鬧過的人。
有時候都會諗今年生小朋友都不是太好，虎年、苦年。生了個仔 "苦苦聲"，佢O既人生唔通真的很苦，都係下一年先啦，但我家姐同阿嫂都有了身孕，所以我都唔咁亂講，講到呢度，大家係咪覺得我迷信了很多呢？我不是迷信，只是心有事情想不通，唯有將這些事情賴在這些度O者。本來有個醫生叫我出來幫手，但自己真的未 READY，今年發生了這麼多事，我心理上未準備好，或者等多陣啦，小晴問是不是東風？我覺得這陣風很重要，但 TIMING 唔O岩，所以我婉拒了。還有10 天大假要清，三月或者再去一次旅行，我都想整理一下我的人生，不停工作令我有點執著，我覺得我應該學到放開 ... 就正如機場的無人駕駛列車候車處，大大個 " RELAX !" 令你都覺得自己是不是心急了點。
話說回來，今次星加坡之旅都有點啟發，今日的星加坡比係十年前的星加坡真係無得比，十年前我去全部都係公屋間局，今日去己經有豪宅，很多高樓大廈的建築物，其實又係喎，十年前的香港又不是這樣麼？所以星加坡真的常常與香港比較，今次去聖淘沙，多人度呢 ... 但他們的工作態度真的很差，又慢又唔熟手，什麼地方也是，不只是賭場、酒店、公共交通、入境處 ... 大家可以放心，給他 20 年，他們也不能和香港比。可能你會話我急性子，但酒店的人可以問你 "今日唔換床單、明天換，OK ？" 你可以想像他們的腦袋究竟裝著什麼，機場無之前的那麼亂，這個要讚的，樟宜機場我可以鈎出最差機場之一，但新加坡 ... 真的還有很多地方改善，希望十年後可以再好 D
最後祝大家虎年行大運，龍馬精神、步步高陛、連生貴子、出入平安、心想事成！恭喜、恭喜。

放 .. 不開 ..的假

2010-02-03T22:33:00.003+08:00

很久沒有試過放連續假，而且係 3 日，仲要係無 REQUEST 之下，本來應該開開心心，可惜放假前的一日，令我心裏不是味道，又再一次打擊我出來闖天下的念頭。
話說因為同事的錯誤，有一個 CASE 明明出了院還要返來做多一次治療，點知佢一拉完腰就行唔到，等了很久，搞了很多治療，3 小時仍沒有好轉，最終入院。雖然我反覆思量，而且個 PATIENT 都無乜怪我，但都是因為我..的治療，令到佢行到入O黎，但返唔到出去。心裏不是味兒，我知道即使佢要告我，佢唔會告得入，但我好像令到一個病人情況轉差，即使是巧合，心裏戚戚然的感覺揮之不散。希望佢係我返去之前可以平安出院。
呢次事件又一次令我覺得若果我自己出O黎做，遇上呢 D 情況，我可唔可以 HANDLE 呢？我已經說過，我不是幸運兒，從來很多黑仔的事情都會發生係我身上。係法國工作就O黎三年了，印象中要寫報告都寫了三次 ... 有很多我覺得做得麻麻的同事做了咁多年，都未寫過一次報告，那是不是告訴我，我做得比其他人差，還是我的際遇就是這麼不好 ... 前兩次的意外，我可以說是大意，但今次... 我摸不著頭腦，我不知道錯在那裡。心裏想若果今次發生在自己的診所中，我可以點算呢？在法國，總算樹大好遮陰，上司都叫做睇住自己，有時候仲會有粉絲添，但還記得老細上次講過，一次錯足頂萬次功，所以有時候都幾矛盾，究竟自己可唔可以做一個稱職的治療師，即使我可以有很好的手藝，有經驗同頭腦去醫好病人，但卻有一個病人因為我的治療而令病情惡化，那我還算不算是一個好醫生呢？
很矛盾，可能已經出來的同學朋友門，你們未遇到過我這樣的遭遇，幸運的是我還打著工，老細會幫我擋住，大家要小心啊。每一次的打擊都令我成長，至少我會知道下次點樣去面對，跌低後最重要係企番起身，下次就唔會咁容易被打低。所以在法國工作，真的學到不少東西。剛剛又出了雙糧，我會唔會好似碧姖同瑪花咁，一入去就唔再返出O黎呢？我不知道 ...
老細話我仲有 10 日大假未清，要係 3、4 月放埋，我都覺得自己需要放一放假，抖一抖氣，希望下次放假，真的可以放開懷抱，輕鬆一下。

ER 感想

2010-01-19T23:27:00.003+08:00

很懷念 ER 的日子，雖然近幾年己經無睇，因為心目中的主角 CARL 都己經無做。還記得第一次睇 ER，係我和我哥哥共同的嗜好之一，還記得當年仲未到中五，但我阿哥己是中大醫學生，他看還是想看多一點醫學知識，我看，除了因為我想學英文之外，亦因為這個故事真的很吸引。那時還未有無線的妙手仁心 (無線的真的差很多皮) ，我相信有很多人都會因為睇完呢套劇而有衝動去做醫生，不只是做醫生人工高，幫到人，那些愛情故事也很吸引，至少我是其中一人。

不經不覺，十五年了，很喜愛舊人：DR. GREEN , 黑鬼, SUSAN, CARL 都出來講佢地拍劇的感受，他們都說得很好，這套劇不是表演醫生有幾叻或者幾偉大，而係將社會上很多會發生的事情放在劇上，有點說教，醫生唔係聖人，佢地都有醫唔到的人，醫生都有人性，有私心、有爭權的人，雖然我宜家在醫院工作，更知道香港的急症室並不是這樣，至少我看見的並不是這麼緊張和生死關頭。

很喜愛的鏡頭是很開頭 DR GREEN 去追 SUSAN 這一幕，他好鍾意呢個女醫生，可惜佢追唔到班火車，另一個同樣喜愛的是 GEORGE CLOONEY 係去水渠及大雨中救出小朋友的一幕。很遺憾的是看不到一幕 CARL 同一個 MEDICAL STUDENT 俾個痴線佬插了兩刀，個女死了，剩下 CARL，曾經諗過去 BLOCK BUSTER 買番O黎睇，可惜一買要買成個 BOX SET﹐現在？唔想追了。當知道自己無可能成為醫生的一刻，有一段時間真的不想看這套劇，但最後都是看多一兩個SEASON ...

即管做唔到醫生，即管我現在知道醫生並不是戲中的這樣，我還是很欣賞這套劇。最喜愛劇後那段音樂，好彭拜，好激昂，總之聽到個人好有 ENERGY，永遠懷念。

再見

2009-11-11T23:49:00.002+08:00

2009 年 11 月 11 日，一個難忘的日子。今天看見小晴同 BB 講再見，心裏不是味意。或者我未感受到身體上的不同，但我相信有些事情回憶時才有感觸，所以當家人、同事安慰我時，我心裏其實不是太痛。或許我必須堅強些，我不能頹、不能病，因為還有一個人等著我照顧。離開醫院時的感覺很灰，有點像第一次給拍拖只有三天的女朋友甩的感覺，很平靜，但心裏知道自己只是假裝平靜，身邊最好沒有東西刺激到我，否則我一定揮拳還擊。到這一刻，我不知道是接受了，還是呆了，只知道當我再睇到一些關於 BB 的資訊或一些恭賀說話時，我都不知道是什麼感覺，也不知道怎麼回應，因為一切都來得太快。一些安排了的產科活動，又要取消了。還有是一大堆人的安慰 ... 真是夠了。
昨天睡在小晴對面床的，是懷疑拋 BB 落街的菲傭，真的不知道為什麼有些人可以這麼殘忍，可以將自己的骨肉殺死，可知道有些人很希望 BB 可以繼續生存的。或許這個 BB 與我們沒緣份，總相信仔女是天註定的，你沒法強求，只可以盼望。心裏感激上天給一個我們學習的機會，也希望下一個 BB 可以快將降臨。

返夜的日子

2009-11-06T14:18:00.002+08:00

今個星期都要返 12 至 8 ，即係中午12 點返工，放 8 點，其實放 8 點時時有，不過返 12 點同埋 ON-CALL 就真係好少。我都幾 ENJOY 晚上工作的感覺，或者我唔太鐘意迫迫的工作環境，晚上你喜歡什麼位置都得，但晚上往往都有種"未知" 的感覺，試過 7:30 才來了 3 個新症，真是殺了我一個措手不及，累到我給同事鬧我好做症，最後齊齊放 9:30。返夜最唔鐘意係俾人 CALL 做病房症，因為大部份都唔推得，手頭上一堆症，仲要上去拍痰，真的打亂了我的計劃。而且晚上的症大部份都係人家睇開的症，唔係好想改了人家的治療計劃，最後便成為 "落機兒"。
返 12 都不敢睡得太晚，因為怕睡過龍，10 點鐘起身都唔知食唔食早餐好，幸運的近來天氣超好，日日都陽光普照，星期一已經話想跑步，星期三跑步後回來有點吃不消，可能我實在太耐無運動，整整 3 個月無活動過，回來後有點虛脫的感覺，看來我都要 STEPS TO FOLLOW
又一個師妹辭職，繼上一次 CARMEN 辭職後，短短一個月之內又有人事變動，老馬都開始有微言，不知道是經驗多了或是現今的畢業生問題，總覺得她們學的不夠，至少諗O野方面有問題，這也是我需要學習的地方，究竟我應該怎樣教導她們得來又不傷她們的自尊心呢？(宜家 D 治療師係唔話得的 ...)
下星期仍然是返夜的日子，但我都唔想日日返夜，返夜雖然早上時間多了，但晚上根本無時間陪小晴，希望 12 月的更期會好一些喇。

換季

2009-10-23T17:08:00.002+08:00

近期的日子感覺上過得稍快，可能少了點壓力，又可能是返得多點星期日，平日放假的日子多了，其實都唔係好想咁樣返工，因為小晴平日夜晚都要返實習，難得星期六、日都想陪佢多 D。今日有時間都想將冬天衫拎出O黎，放番夏天衫入籠，好多年都有一個壞習慣，就是想揼了一些唔O岩身或者唔多著的衫，但一年又一年唔捨得，最後就是這些衫每年放放收收，今年我決定放棄，有時候要放手先會得到更多。我覺得近幾年我真的買少了衫，幫小晴收衫同拎出她的冬天衫時，我都會諗一個人究竟可唔可以著咁件衫？佢衫的數目應該是我的十倍 .. 以上。
拎出一 D 舊褲子，寫著 28W 乜原來我都試過 28 腰 ^0^ ，但近年這個數子有似跟著我的歲增加，咁都幾大鑊，卒之我都係放棄了這一批褲，因為我知道我唔會再有著番佢地的一日，狠心的掉了它們，將來有番 28 腰時買過 D 新褲 ^0^ 我要 28 腰！
算啦，我覺得年紀大，肚腩大都是一個定律，你有無發覺你自己著緊 D 褲有點緊呢？換了它吧，我們要面對現實。

Rotation

2009-10-19T18:18:00.002+08:00

每隔一段時間，我們都要轉一轉工作崗位，還記得一年多前被調上病房工作，真是有點擔心，第一自己己經很久沒有在病房工作，第二是離開了自己的部門，唔多唔少都要靠朋友 (病房的所有人) ，回顧這一年半的工作，得到的確實比失去的多，雖然到今時今日都唔係好熟習 (細路)仔房，但至少我能夠同別人講我可以在醫院裏任何一個崗位上工作，即係 ON-CALL 做症都得。我知道街外拍痰的症不多，但若果真係有個CASE 要你拍痰抽痰，我自問都好有信心，所以在當初在法國工作的目的，其實都達到了三分之一，另外的三分之二？上病房令我見到更多醫生，亦令到某幾個醫生認到下我，我相信他朝出來開舖都會寄張邀請咭俾佢地，唔理佢記唔記得我了﹐哈哈 ^0^
再次調番去部門工作，工作上我不擔心，但流程同同事都有很多不同了，而且工作上我覺得都應該用得番我係澳洲學過的東西，我希望這是一個好的機會整理一下我的思絮，因為資料同技巧都有，下一步是將他們整合同活化。另一個挑戰是帶新人，唔知道最新的畢業生是有什麼料子，我相信教學相長，教人的同時自己都會學到O野，至少你都要答到人問題，一個有系統的答案，我覺得我暫時未得，只係憑經驗、憑記憶去教人。
這一個 ROTATION 真的話易不易，話難不難，最慘係有機會要返夜 ... 幸好的是小晴近日都要返實習，如果唔係 BB 出生就真係唔多想返夜了。

Time, Care & Skills

2009-10-14T23:23:00.002+08:00

很久沒有來到這裡，第一係覺得自己係文字上的感染力越來越低，睇別人的網址中文水平真的比我高，第二係近期真的很黑，黑到有點犯了太歲似的。除了上一次跌倒爆虹入了醫院外，前兩天做 CASE 時閃了腰，痛到我當時連企直都有困難，現在一俯身都有點難度，另外又給人投訢，循例上老細又給我照了肺，雖然老細都話撐我，但近期接二連三都係對我不利的，老細都叫我小心點，我都覺得近日做症求其了點，可能我一心諗住下星期有機會離開病房隊，所以都無心戀戰。
每一次老細照肺其實都俾了點意見我，奇怪的是每一次都話"你都唔會係度做得耐O架啦，你都諗住出O黎開O架啦 ..." 我O既答案係沉默，因為我答什麼都會露出破綻。今次老細教我 TIME, CARE & SKILLS 出來做生意，做什麼都好，這三樣東西都好重要，你唔需要擁有晒 3 樣O既，但缺一不可，可能大家唔明這 3 個字有何重要，不過我都覺得學到O野，其實我覺得我三樣O野都有，缺乏的是一個時機。今天搭升降機時見到 DR. LEE ，有時候都會幻想一天我同佢講，我會出O黎開檔，希望佢俾 D CASE 我，到了走的時候，我又會唔會咁做呢？

民間疾苦

2009-09-18T17:18:00.002+08:00

有時候都會聽到民間疾苦，雖然自己都算是半個醫護人員，但阿哥係自己開診所，自己工作都係私家醫院，公共醫療系統有幾差真係唔知。但因為近期跌倒入急症室，令我深深感受到什麼是民間疾苦，我爆O左缸入急症室都算係次緊急，即係要等 4 小時，雖然分流時阿 SIR 話流血快少少，但最後都要我 3 個小時先可以離開醫院。縫針後因為有點傷口感染要去睇醫生加洗傷口，所以隔幾日就要去 GOPC (賽馬會診所= 健康院) ，當年我記得我阿哥都做過街症，開始明白點解要出O黎掛牌，第一次去門診，覺得這裡真的很多老人家，亦都好多無錢睇病的人，我諗由於太平 (又可能 $45 對他們來說己經很貴了) 喇，基本上這個電話預約機制很有問題，什麼 24 小時內未能提供時間，但下午打去又可以在一個半小時後有得睇 (2:00 打去，3:45 有時間，但 8-12 打去就話無時間) 而且要輸入咁多O野，老人家究竟識唔識O架？
去到門診，你會發覺有一種親切感，因為好多人會問你做乜？你唔知係邊度等，又會有很多人幫你，甚至過了時間都可以補睇，雖然第一次睇的醫生極不好老脾，態度差到不得了，最後聽到我話做物理治療先好番少少語氣。但有地獄就會有天堂，今天睇的房號一樣，但醫生好到不得了，我約了 2:45 ，2:50 就有得睇，話這裡瘀了就開喜療妥，話食抗生素食到變聲就開口龍痛藥。排隊拎藥又快，快過醫院十萬倍！！洗傷口姑娘又會問下你做乜跌親，至少有笑容 (唔怪之得阿嫂當年咁鍾意做 GOPC，因為真係好 FREE) 雖然係有病，但我覺得 GOPC 至少有一點互相幫助的感覺，有 D 常客仲會有人認得添，我今日都幫人解答了問題，我都係O黎了 3 次之嘛，可惜街症無物理治療服務，否則我都會申請。
但有時候睇到一個個老人家等睇醫生等到人都呆了 (或者佢本身有老人痴呆啦 ^0^) 又有些老人家唔知點約時間而被人拒之門外，睇到後又是另一個時間，一排排一樽樽的藥，這種是他們生活的一部份？
一直以來都覺得自己醫院做得未夠好，仲係好 "亂"，但見識過公共醫療後，我覺得我們的醫院都己經不錯了，醫療系統係全世界都無辦法解決的事情，當香港推行私家醫療時，美國這個一早行了私家醫療咁多年的又話要行公共醫療，你說什麼醫療最好？作為一個香港醫療系統裏工作的人，可以話俾你聽，買番份保險，私家醫療係大"吹"勢，而且有錢真係睇私家啦 (俾番 D 空間老人家) ，咁當然啦，香港就是有這種自由，你有錢都可以睇公共醫療，所以買保險等如買多個選擇。
最後感覺到的是今次又證明打工比自己做老細好，今次一仆停了 5 日工，若果自己工真係唔知點分身，但打工呢？放假仲有錢收，哈哈，阿 Q 精神！但希望真的唔想再領略這種民間疾苦，因為背後仲有家、有妻兒呢。

禍不單行

2009-09-17T11:43:00.002+08:00

七月節，你都唔好話唔邪，話說上一篇網址仲話放了三天假，想不到個天俾我放了一星期 ...
話說星期日同班同事一齊遊船河，我終於感受到一班認識的人一同遊船河的樂趣 (因為試過什麼墨魚團上只係識 4 個人的滋味)，很久沒試過大海中暢泳的感覺，一班人開開心心，而且坐在甲舨上感受著微微海風撲面的感覺，真的很舒服，希望下次可以同埋小晴一齊去啦。
可惜"福無從至、禍不單行" 落船後一上巴士，己經橫風橫雨，車上得我同另一個新同事 (女性) ，若果大家仲記得 13 號晚 7 時的時候，沙田下著超大雨，係超勁大雨，間車一到步，我帶著我一貫輕盈的身軀跳落車，諗住越快跑入有瓦遮頭的地方越好，點知一開車門，眼鏡蒙了 (因為冷氣巴)，一跳出車，好似 KICK 到了什麼，失了平衡，向前跳了三步，仍然失平衡，心知不妙，身體向左轉，左手落地，大家要知道係，當時下著大雨，而車上係有一個同事看著整件事情 .... 落地後 3 秒我即刻起身扮無事，當架巴士駛走O左之後，我立刻檢查傷勢，大鑊喇，我手肘爆虹爆到七彩，跟住O既事情就跳到宜家傷口有點發炎，醫生開了3 天之後的 2 天病假，手肘縫了 3 針，屈起來有點痛，人有點 WING ... 我今天係咪有什麼血光之災？
七月節真是不可看小，阿 Q 精神，幸運的今次只係左手手肘，右手，雙腳還可以移動，多了幾天病假，可以好好的睡很多覺，但這個災難是否完了﹐我覺得近來真的很黑！！一陣去買六合彩先。^0^

不能說的秘密

2009-09-12T21:43:00.002+08:00

一連放 3 日假，諗住可以好好享受一下，點知一個小病令到自己什麼地方都唔想去。不嬲都覺得守秘密非常困難，可能我太鍾意講O野了，但講大話更叻，但一些喜事又無需要忍瞞的。上兩個星期有一個不能說的秘密，不論是迷信定不想太多人知，但我相信這個消息遲多一點時間會宣布。雖然話有三天假，其實這三天都是因為有些事情要做而要求的，ANYWAY，近期返工真的很忙，很需要一個假期來抖一抖。10 月又是一個新挑戰，因為老細話會調返我落 DEPARTMENT，好的是我可以做番我想做的 "肌胳科" 病，不好的是要帶一班全新的師妹，而且仲要有 4 個 WARD ASSISANT 話要 RESIGN ，看來部門又會一番新景象，不怕了，我一向都喜歡接受挑戰，來吧！BABY ^0^

公平

2009-08-28T10:52:00.002+08:00

應同事要求，身為 TEAM LEADER 要為同事抱不平。自小都知道世界唔公平，仍唔期望凡事公平，身為一個老細，更難做到持平，這一點我是理解的，但昨天的會議，反而令我有點火。
話說我地 TEAM 有 5 個叫做所謂 EXPERIENCE D 的同事，理應輪流 ON-CALL，其中一位同事因為 ON-CALL 得太多，所以想反映下，怎料老細很認真地話己經很公平，仲要拎個更表每一個月讀一次，一路講仲要一路話公平。其實某位同事己經知道我地講緊佢，會後我感到佢有少許不悅。你們說，一個TEAM 4 個月裏，ON-CALL 次數，A 同事: 3 次, B 同事：16 次，C 同事 10 次, D 同事: 5 次，E 同事: 10 次。大家差不多 EXPERIENCE ，你們若果是老闆，還可以說公平嗎？我老細可以！我成日都同 B 同事講，你試下講出來。我想不到我老細唔認。唔公平我接受，但你竟然唔認！！你係老細，你可以大大聲用一萬個藉口話 A 同事什麼什麼，但你絕唔可以話自己公平囉，很難服眾的。又一次警惕自己，若果我係老細，己經有死士同自己講有不平，一定要CHECK 清楚，唔可以一隻耳開一隻耳閂。
由今天開始放 3 日假，今次無乜心情去外地，決定留港消費，真的很久沒有這樣放假，希望好好地 CHARGE 電，清清我積壓很久的工作。

毅力

2009-08-12T23:47:00.003+08:00

一位同事 - 阿傑O既離職，令我覺得呢個世界仲有人可以因為自己有理想，不斷努力的話，終有一日可以做到。還記得阿傑最初O黎到O既時候，真係工作態度好差，我當時仲守緊運動室，佢頭幾日返工竟然瞓覺，我知道呢班細路個心根本唔係呢一度，但我心諗，返得呢份工，就要做番最基本O既工作。後來有機會同佢傾偈，知道佢都經歷O左唔少人生大事，但當我知道佢O既理想係成為一個差人的時候，我覺得你還需要準備很多，我知道人越大，喜歡聽取其他人意見，或願意接受其他人批評的人真的越來越少，我唔知道可以影響你幾多，只知道你總有一日會離開我們。看了你兩年多的辛酸史，我覺得你人大了，希望你真的懂了，最初我覺得以你性格同處事方式，應該要好一段日子先可以完成你的夢想，想不到那麼快 (我知道對你O黎講都唔快) 便可以。一個人有夢想，只要不放棄，終有一日真的可以達到。恭喜你，希望你係新的工作真係找到你的快樂，而且唔好忘記係呢度學到O既O野。

近來真的超忙，差不多每一晚都 OT ，唔知好彩定唔好彩診所又無乜症，否則都唔知點算，希望阿陳哥返來時會好 D 啦，咁呢段時間積極 SAVE OT，遲 D 會非常有用。

星級婚禮

2009-08-02T21:46:00.002+08:00

首先多謝 KELVIN 為我約了一班舊同學出來，亦多謝三妹約我們去蔡SAN 家，否則我會覺得這個世界只剩下我和小晴兩個人。希望往後的日子都會和朋友仔保持聯絡。

尋晚參加了一個星級婚禮，去之前做了六百蚊人情，第一次覺得超值 ^0^。這個婚禮的地點不是怎麼特別，但它的內容算是我近期去咁多個婚禮之中最不平凡。一去到美麗華頂樓已經見到亞視唔知乜水，係演員，但唔記得個名，但佢竟然係做招待 ... 跟住見到舊同學仔，佢話新郎個阿媽係無線高層，一陣個婚宴司儀會係王祖藍！！嘩，入到去之後就尤如其中一位同學話齋，好似參加O左超級巨聲咁，見到苗喬偉同戚美珍，曾志偉、鄭則士、陳百祥、吳雨、張家煇 ... 簡直星光燿燿。今次飲我仲第一次唔著老西，諗住型 D 恤衫加牛仔褲，點知個個都執到好正，而且新人進場同送禮物環節都同平時不同，雖然王祖藍加 MACY 的司儀組合唔係太大驚喜﹐但可以一暏王祖藍做司儀已經覺得唔錯，表演的嘉賓是什麼靚仔新人 DESMOND PANG 彭紀言，唱得都幾好聽喎，食物方面都好似 UPGRADE 了，碗翅好似食極都食唔完咁 (係咪好誇 ^0^) ，總之你身處其中，你都會覺得自己 UPGRADE 了，去之前真的唔知會係咁，所以有驚喜的感覺，最重要當然係見到一班舊同學同老師啦，婚宴對我來說，是一個好好的聚舊活動，多謝 "思華姐"。雖然唔知是什麼高層，但個名都幾熟，ANYWAY，最重要係祝一對新人 "相親相愛、白頭偕老"。

告別校園時

2009-07-12T23:17:00.004+08:00

人會不斷長大，回憶會越來越多。每次經過小學，都會覺得現在的小學生很幸福，因為校舍大了，上堂又有冷氣。而且好希望佢繼續辦下去，有機會自己的下一代都可以入讀，可惜眼見現在的同學仔都大了，整個乙明邨老人仲多過細路，都驚佢會被殺校，想不到這一日就在今年發生。

今天再回來的時候，真的很想拎本紀念冊出來看一看，有些小學同學真的不認得，但大家唔會有一種陌生的感覺，反而感覺很珍惜，相聚很難的感覺，希望大家有機會多 D 出來懷緬一番，只可惜 ... 唔可以再係小學裏面了。

峇里之旅2009

2009-07-12T22:56:00.007+08:00

期待己久的旅行。雖然很多人都話我年頭先去完旅行，咁快又去？可能婚後的生活真的令我覺得我很需要一個假期。今次的假期很多謝大嫂的安排，由於人數不少，而且各有各意見，所以個 PLAN 都轉了佷多次。雖然我覺得今次個假期唔多夠 RELAX，但總算見識過咩叫峇里，離開了香港幾天，忘記煩惱。

極速緋聞

2009-06-26T14:37:00.003+08:00

星期四同老婆去看"極速緋聞"，雖然知道自己在發燒，但真的很久沒有同老婆出街同睇戲，所以怎都要看一次。我記得同小晴初相識時不斷睇韓國片，當年韓國片大熱，我同小晴基本上每個月都會看一次韓國片，時至今日，我老婆先同我講原來佢唔係咁鍾意成日睇戲 ... 睇O黎當年佢都好鍾意我 ^0^ ANYWAY 我地都喜愛韓國片，而且這套"極速緋聞" 都好似幾好笑，於是入戲院睇。可能係太耐無入戲院睇戲，覺得套片拍得唔錯，溫情得O黎有D 笑位，視覺享受之餘又有聽覺的享受，故事結構尚可，套戲可觀在帶出好多少時事做的錯事會影響到成年，自己的自私總敵不過親情，但唔明點解韓國做 DJ 可以做到咁有錢囉 ... 總括一句：值得一看。

人生有幾多個十年

2009-06-21T16:55:00.003+08:00

近來大熱當然係 laughing 哥同柴九啦，雖然好唔鍾意柴九成日將 "人生有幾多個十年" 呢句放係口邊，而且有時候明明唔o岩時間，都搭唔到上一句的，都回敬一句 "人生有幾多個十年"。其實簡單的一句 "珍惜眼前" 又短，意思又直接，但這一句就好像加上了語氣，給人反思的空間。
前排係 facebook 中 add 番兩個小學女同學，這兩個小學同學曾經係好多人的小天使 (我不否認其中一個都曾經係我的小天使)，但今天睇番都幾好笑，當天覺得靚的東西、人物，二十年後再睇，發覺都是我身邊的較靚、較好。有時候都有點奇想，若果當年做些功夫，給你追到了，結了婚，今天又會點呢？我不知道，但回憶總是令人回味的，笑的不是什麼，只是心裏有點好得意的感覺，畢竟小學都差不多二十年前的事，人生有幾多個十年，二十年後可能連大學的、工作的細節都會令人懷念，kelvin 話我真的老了，老朋友，幾時出來食餐飯呀？人生唔知有幾多個十年o架，快點約出o黎食飯啦，唔係下一餐就係去你結婚o個餐呀？^0^

立冠之年

2009-05-31T22:26:00.002+08:00

不經不覺，人生走到第三十個年頭，有人說男人的頭三十年都是用來累積經驗的，往後的三十年才是黃金年，我都好認同，要在 30 歲就己經出人頭地的人真的不多，但當你擁有 30 年的人生經驗後，O黎近的 30 年最重要，當然唔係人人都會有再之後的 30 年，但 30-60 歲的人生就是決定 60-90 歲的生活是怎樣 (若有的話)。
曾經何時講過，要創業就要在 30 歲前﹐要破產、要成功都在 30 歲時決定，想當年都以為可以這麼做，但一次朋友的出賣就令到這個計劃打破了。30 歲真是男人的心理關口，幸運的是已經成家立室，20 歲的時候同阿華、 JIMMY都想過 10 年後的今天會怎樣，出奇的當年諗O既O野今年都差不多，那麼 40 歲的我會怎樣呢？以往每年瞓上床的時候都會回顧上一年的得與失，但今年很平淡，沒有太多的反思，可能過往一年真的沒有轉變。
今年很開心，終下扑了鎚買了新電話，想換電話好耐了，一直睇都唔係好O岩，看O岩了又覺得無乜需要換，雖然部舊電話仍然用得，但眼見別人都用很新款的電話，生日，都好想買點東西獎勵下自己，最終買了 HTC DIAMOND II。另外想換銀包好耐，雖然老婆成日話買個銀包俾我，但我仍然唔喜歡用千幾蚊買個銀包，因為我銀包裡面都唔會有千幾蚊，咁豈不是個銀包仲值錢過入面的錢？最終係 PORTER 買了個銀包，特別得O黎又唔係太貴，多謝老婆！
人大了，朋友少了，這句說話是真的，很多謝今年有同我講生日快樂的朋友。無講的不用介懷，事實上我都唔會特別去記其他人的生日，但人大了，感到很多事情都好理所當然，返工都好似無乜衝擊，做 PRIVATE CASE 時又覺得自己技巧同知識都生疏了，有點覺得再唔掂番將會唔識再做症。
30 歲，古代有立冠之年，代表一位男士去到另一階段，有人祝我年年有今日，但我希望下一年會有點突破 (好似都講O左好多次) ，我的朋友都差不多這個年紀，你地又覺得點呢？

出 "醒"

2009-05-22T23:21:00.002+08:00

五月都是一個開心的月份，一來生日啦，二來多假放，即使放假都是用了講書，仍是很 ENJOY 放假的日子。星期二去了中環講書，因為講 5:00-7:30 一整天沒有什麼特別O野做，4 點幾已經去到，幸好交易廣場原來同 IFC MALL 很近，所以去了 IFC 行一陣，一係唔行，行了一圈覺得自己很低 ...
還記得三年前去金管局講書，覺得自己好威，覺得係中環返工很高尚，個個都行 SUITE，滿口英文，心想終有一天會係中環闖一趟。但反之係澳洲回來之後，覺得自己唔適合係中環返工，見到一個二個都係鬼，你唔太覺得自己身處香港，當年係澳洲，讀得要用 SECOND LANGUAGE 同人溝通感覺真的很差，係中環返工，你又要忘記自己係香港人了。SHOPPING 呢？再唔係大眾、STARBUCK ，而係 DYMOCK、PRET A MANAGER，WHAT'S THAT ! 短短幾個字的逛街，令我覺得好有壓力，我覺得自己唔屬於這個地方，係唔係我近期的每天營役都係九龍同新界，我已經同香港島接唔上呢？頓時間覺得自己唔係香港人，係新界人，今天出城。細個時覺得住新界幾好呀，空氣好，鄰里關係又好，香港島人又要俾貴電費，又要扮高尚，但今日會諗，你的下一代若果住係香港島，生活的、感受到的可能會係另一面的香港。
怎樣都好，未有下一代，可以唔諗住。還是過著我的營役生活先。

食客

2009-05-14T23:22:00.002+08:00

近日很喜歡睇一套韓劇 "食客" ，第一集係因為無意中夜瞓，看了第一集，覺得很好睇，所以繼續追落去。靚人配靚景再加上高清台﹐感覺韓國有些地方真的很靚。故事其實很簡單，可能我喜歡食o野啦，總覺得講下食物點整出o黎好有興趣，大家有時間都睇下。
今晚睇 <新假期> 裏的專欄，自己一向都唔鍾意文字 (喜歡漫畫多 d ) ，所以這些專欄不嬲都唔睇，但今晚係廁所無聊，看完蔡瀾同芝 see 姑 bee 的專欄，都覺得幾好笑，尤其後者對現今科技的觀點，真的很有趣。回觀近年自己的 blog，真的無乜睇頭，唔怪之得瀏覽次數真的越睇越少，之前什麼也可以寫一餐，你即使說任何一件物件我都可以說一個道理/ 啟發出來，不知是人大了，朋友少了，或是什麼原因，根本無人想聽你講道理，寫出來的都只是生活札記，人生是充滿什麼呢？算了吧，還是看 "霎時感動" 及 "食客" ，那裡充滿著知識同啟發，一同享受吧。

我要打十個！

2009-04-26T23:21:00.002+08:00

尋晚同老婆一齊睇 "葉問" ，覺得已經好耐無睇到一部好戲 (好o既港產片) ，可能對武術片有點情意結啦，但我老婆都話好睇，所以我相信這一部真是值得一看的影片。葉問好睇o既原因除了有詠春等打鬥場面之外，佢掃造緊一個一代宗師，當然實際上我唔知葉問真人係咪咁君子，但甄子丹做葉問真係做到好君子，佢不單只武術上有道德，佢係做人上都好謙。自問有點佩服，我覺得出o黎做生意，第一係修身，修身之道，在於平常心，處於什麼環境，都能保持樂觀積極的態度，即使面對很強的對手，都能以平常心去應戰。現在個心仍然很容易激動，但能力上我知道我未能做到一個打十個，好鍾意甄子丹同樊少皇講，你輸唔係南方拳同北方拳的問題，係人o既問題。我成日都話結婚之後要修身，但我個頭腩就一日大過一日，我真係缺乏一點動力，我幾時先擁有可以大大聲話 "十個，我要打十個！" 能力呢？

感性之人

2009-04-19T17:05:00.002+08:00

一直都覺得我是理性之人，從來都唔太受外界影響，還記得年輕時即使表白時給人拒絕都是影響了少許思緒，但今次老婆病倒了入醫院，都發覺自己給影響了，在醫院工作有時候都會記掛著老婆會否有事。今次入院事件令我覺得法國醫院的服務質素並不是很差，公立醫院真的很差。另一件事令我覺得我若果真的有自己的事業，就可以自己去決定返工時間，咁當然我都有機會因為約了 CASE 而唔得閒陪老婆，但自己開舖自由度應該會高 D。
前兩天返去 CFSC 幫舊同事頂了一天 CASE ，眼看地方是舊的，人事及物件是新的，老實講今次返去幫手純粹是為了一份情，想緬懷一下以前的生活，但今次頂一頂都覺得自己有點 OUT，很多新的儀器都不懂怎樣用，要看說明書。另一樣體會係覺得自己一整天待在這個 OFFICE ，有點被困的感覺，我真的想過這種生活嗎？開舖的話要整天待在一個地方，我是這樣的人嗎？
O黎近五月又一次 ROTATION ，收到的風是我仍舊在病房，唯一的男同事會調番落 DEPARTMENT ，上病房的會是一個師弟，心想真的很大鑊，五月之後的日子會怎樣呢？我的東風幾時先O黎？ ... ...

驕傲中的悲哀

2009-03-25T21:54:00.003+08:00

有時候做物理治療師都唔一定係被動的，雖然香港的物理治療師還未可以以第一人身份去睇症，必須要由醫生轉介，更可笑的很多物理治療同行竟然話唔讚成。我唔知點解有人會咁講，但我夠膽講一句﹐唔讚成的人唔多唔少都因為未夠班，覺得自己唔夠能力去做症。老實講，醫生都未必一定可以斷O岩症。
故事一：一個老人家由骨科醫生轉介，話佢神經影響了佢右手的控制能力，叫我去做物理治療，由於佢係我親戚，我第一眼睇佢已經覺得佢唔似 STROKE，由 S/E 己經知道，因為佢基本上回答唔到我問O既問題，檢查中佢力係有點問題，但控制更有問題，最後我轉介返去睇我阿哥，結果証實，佢 CA BRAIN 。
故事二：一個末期腎衰竭的病人轉介做行路運動，檢查覺得佢右腳外旋，屈伸右腳時感到痛楚，而且完全不能站立，由於病人有點老人痴呆，不懂回答有什麼不妥，然後我從佢工人口中得知佢入院前已經跌了三次，最後大膽的將情況講給醫生聽﹐醫生最後診斷：大腿骨折。
兩個故事令我覺得做治療師唔一定要被動，我地都可以做最前線，醫生都有機會斷錯症，只要治療師知道自己個 ROLE，什麼時候需要轉介，什麼係可以做的，根本唔存在危險。同一時間我覺得雖然我比醫生叻找出問題，但同一時間我什麼也做不到。我找到問題又如何呢？找到是否令各人更辛苦呢？

你是我所有

2009-03-12T12:10:00.002+08:00

前兩天老細終於跟我做了所謂的 "年檢" ，由六點做到七點半，真的有點過份，說的是什麼，就是我不會給你下來做你想做的東西，待在病房繼續癈你武功。好！無辦法啦，鬼叫我係法國一句法文都唔識咩？聲都無得聲啦。另外，又踢人入會，我一早係 PU MEMBER 啦，你地有幾本事係人都知啦，我唔係沒有反對聲音，但我地幾條友又可以做 D 乜，現實 D ，當有一天我們的聲音真的有高層願意聽，我一定會支持，大家都知我不嬲係搞事份子O黎啦。最後都無講有無得加我人工，但返轉頭問又好似核突O左 D ，算啦 ... 宜家呢個時勢。

近期都參加了不少婚禮，我都覺得今年婚宴特別多，認識的朋友當中都有7 個今年會結婚，真係唔炸傷都嚇親，仲有好多是好兄弟，今年我諗兄弟都要做 3 -4 次 ... 每一次婚宴我都會留意人家用什麼做 "成長片段" 音樂，回想未結婚之前，心目中都有幾首，但最後我一首都唔需要，其實我都建議下 D 唱片公司應該整一隻成長片段歌曲，可能都有D 人會用。但奇怪的是我去咁多婚宴，都未試過這些片頭音樂是重覆的，不知是主人家有心，定係宜家多O左填詞人填這些詞去增加收聽率，怎都好，我覺得這些歌加上一些溫馨的照片會令到整個氣氛很 WARM 。
P.S. 不要一些我聽不懂而 MELODY 唔好聽的日文歌

最後推介一首劉德華: 你是我所有 (我知道有些人唔鍾意劉華，但事實上近幾年劉華 D 歌好O岩我聽，可能心境真的和他一樣老 ^0^，這首歌送給我最愛的老婆 )

無限驚喜

2009-03-01T22:52:00.008+08:00

尋日請了假去做兄弟，說真的，做兄弟的次數真是不少，之前的開會亦覺得今次這一對新人要求很高，但溝通嚴重不足，對於我呢 D 什麼也要知道細節的人真是不不習慣。最後初天真是太多驚喜，包括一開始新郎唔記得拎花球、之後接新娘前兄弟去女家搬O野，再之後新娘唔記得拎白鞋，還有很多很多，我覺得今次兄弟雖然得 4 個，但我地O既合作非常好，一一難關都過了。另外值得一提是新娘找來的佈置公司，佈置得很靚 (當然我們都出了很多力啦) ，而且見識了什麼是好的司儀，今次的婚宴司儀做得好好，自覺自己的技巧還未到家，多謝賜教。

最後祝一對新人「無限錦銘」，「相親相愛」！

很高興老細給我三天假，當然有兩天是我自己要求的，但一連三天的假期真的很好。今日同小晴去睇一百萬零一夜，我對它的評價很高，佢雖然無 HIGH CLASS CASTING 又無很多刺激或搞笑的片段，但故事寫的很好，我覺得每一個國家都有佢O既陰暗面，雖然印度當地實話外國醜化了印度，但我相信印度要走上文明，還有很長很長的路要行。這一套正正給予當政者知道印度走上了文明之道，至少印度取景O既片可以拎咁多獎，來年去印度的旅遊人士一定激增。我未去過印度，但我都相信印度的孩子真的很慘，希望這一套片令更多人關注呢個問題。

前兩天問老細需唔要做年檢，老細話未搞掂，下星期先做，遲兩三天無所謂。一聽到呢一句己經心知不妙，因為若果有得加人工的話，一定要做了年檢先可以加O架。27 號 CHECK 了 ACCOUNT ，和上個月人工一樣，明白了，今年無得加人工。手頭上本來都有幾份工作要做，但一 CHECK 完 ACCOUNT 之後就覺得免了，這兩三天都唔想掂醫院的東西，畢竟這樣努力的結果都唔可以由你人工反映得到，再加上前陣子老馬的說話，令我更堅決要離開，至於去那裡？我還未定，但至少唔加人工會增加我辭職的動力，多謝。

霎時感動

2009-02-16T23:49:00.004+08:00

新年又過去了﹐大家有無食滯呢？近期很喜愛睇戲，又或者近期的戲比較吸引而最重要係小晴有時間陪我去睇。很喜愛 "奇幻逆緣" 中描述女主角俾車撞倒的一刻，男主角話若果的士司機唔接這一個乘客、又或者售貨員能夠準時交餅、又或者個女店員無失戀、但世事就是沒有這些"或者" 又或者反轉來說，就是因為另外的一些"或者" 令到事情發生，所以我地每天見到的人、做的事，其實一早己經安排了。
另一套戲係 "乜都得先生" 占基利真的老了很多，但仍然係出色的笑匠，而且我覺得今次這個故事很有意義，回想起以前，我都想做到乜都得先生，對小晴、對朋友、對家人都許下很多承諾，但最終令到很多人失望又或者自己很辛苦，所以乜都得先生O既真諦我都揣摩緊，大家又係咪乜都得？
結婚後比較夜瞓，宜家晚晚都會睇到一個節目叫霎時感動，內裏的名人每晚都講一個故事，前兩天睇到葉清霖講的 "穀倉裏的金錶" ，我覺得很有意思，我們每天營營役役，很多身邊的事物都忽略了，有時候我們真的需要靜下來，聆聽一下你的四周圍，你會發覺世界會很不同的。
老馬個 SLOOKER 又彈到落我身上，可能結完婚啦，忙完一輪，所謂的得意忘形後，俾人插完之後，令我記得這裡不是一個終點，而且我已經待在這裡兩年了，超出了我工作時間最長的一間公司，雙子座的我又係時候出外走走了，畢竟 "人善被人欺" 的滋味並不好受。近期又再開始搵工，大家有咩好介紹呀？出面個巿點呀？我出O黎開舖好唔好呀？始終 ... 未轉東風
天氣反覆，大家穿多件衫吧！

2009 年 - 保重身體

2009-02-06T00:01:00.002+08:00

新的一年，都有點驚，因為大年初二就己經病了。話說年初二同屋企人去澳門博一番，點知一去到就己經覺得個肚頂住頂住，點知食完 LUNCH 仲大獲，嘔番食O個 D O野出O黎，飲了杯熱檸樂，過了一陣，又嘔番 D 熱檸樂出O黎，總之那天大大話話都嘔了6 -7 次，最後仲要心臟病發，本來心臟病我只要一仰臥就無事，點知加上我嘔得太勁，最後係新葡京痛到我郁唔到，過O個一陣都無好轉，於是屋企人迫我一定要入醫院，最後新年流流就入O左山頂醫院 (不過係澳門O個間) 不過其實個救護車一到佢叫我一起身時我就己經再嘔，今次嘔一嘔，心跳又正常番喇。所以入到去醫院，心電圖正常、血壓正常，我又覺得無乜O野，最後出院。(D 姑娘以為我玩O野 ...) 所以自從初三之後個胃同精神都一般，到了今天才覺得自己回復了大部份能量。
新的一年都有 D 喜事，不知是慶幸定俾人擺上枱，今年醫院O既春茗要做司儀，老實講，中五同中七O既謝師宴我都係大會司儀，但當年係司儀兼搞手，講寸D 都可以，個場係自己玩晒，但今次唔同，我只係一粒棋子，好多醫生同 SISTER 都睇住你做乜，而且 SISTER 又唔可以講笑，所以都幾大壓力，好彩我個 PARTNER 好好，幫我兜返唔少，最後順利過渡。點都好啦，O黎近做 APPRASIAL 希望襯呢個機會加到個 POINT 啦。
2009年我希望有點突破，因為都覺得自己係澳洲返O黎之後都好似未進修過，今年應該會搵 D COURSE 讀O下，另外希望計劃下自己的人生，不論係事業、置業同造人 ... 新年我希望大家都龍馬精神、工作順利。

瞬間看西歐

2009-01-12T23:53:00.002+08:00

終於忙於人生一大 project，一連串的活動：結婚、過年、度蜜月。雖然一屋仍然是很多東西要執，要處理，但都想係度寫寫o野，俾少少自己一個空間諗o下呢個幾月發生什麼事。
一切都發生得太快，有時候都覺得自己好似未結婚咁，但一望見小晴已經係我屋裏打轉，我就發覺我已經是人地老公了。結婚總算過去，很多謝幫過我手的兄弟，當天無機會多謝，在此衷心說聲"謝謝"！！大家都知我要求甚高的人，希望每件事都做得好好睇睇，我知道當天有很多失場，待慢了很多人，在此說聲"對不起"，我知道當天有很多朋友、知己、同學、同事到場，很高興，真的很感動。很多人我未想過會到臨但都出現，在此說聲 "感激"。結婚 - 一生人一次，每個人都希望做到最好，但最好是什麼？無人可以定，總之大家開心我就覺得是最好。(人越大，要求越低 ...)
熟悉我的人都知我每一年都做 review，但今年沒有，因為今年在睡夢中度過，多得小晴叫醒我起身睇煙花 (當天係意大利) ，今年最大的回顧當然係結婚喇，不過諗深一層，今年真的很懶，除了這個大 project 之外，都好似無乜突破。前瞻下一年，希望可以來些突破，不論係事業、學業或者家庭 ...
蜜月的地點最後選擇o左歐洲，歐洲雖然唔係我地o既首選，但我覺得都唔錯，因為我覺得人生點都要去一次，今次跟團去旅行，感覺都 ok ，不論領隊、團友 (同團有八對新婚 ...) 都好好，大家互相影相、傾偈、食飯。今次行程緊密，若果要數埋很細的國家，今次 12 天的行程去了 9 個國家，包括意大利、梵蒂岡、奧地利、列支登士敦、瑞士、法國、比利時、荷蘭、英國，初時都驚走馬看花，坐車坐都死，但實際上又唔係，坐車就瞓，落車影相、食飯、瞓覺，完全唔需要思考，都唔錯，而且每個境點都其實影到相，咁當然無自由行咁自由啦，不過可以用瞬間看西歐來形容，至少宜家看瞬間看地球都知道o個度係邊度，同埋可以話自己都去過。
新的一年、新的生活，希望大家新一年都有突破，心想事成！(咁快拜年？今年大家唔會話去我屋企拜年哦呵 ^0^)

沙循 25 週年校慶晚宴

2008-12-10T22:34:00.004+08:00

很難得一班朋友相聚，尤其係中學，還記得當年中三轉校入沙循，人新路不熟，就係相中的同學帶我入這個美好的回憶。阿sam 、龜軒、樑仔就係坐係我後、左、右，今天，雖然唔可以稱兄道弟，但我永遠都記得這些好朋友當年親切的照顧，多謝！

有人問我還有 2 個星期就結婚，緊張嗎？我答：無。事實上近來忙到我連幾多號結婚我都講錯，所以真的一點緊張也沒有，而且同小晴拍拖已經很多年了，結婚有點儀式似的。亦都有好多人問我點解唔擺酒，其實今次即使唔擺酒，我地覺得有好多o野要做，擺酒對我來說，只係再多一個儀式o者。當晚晚宴見番很多舊老師、舊同學，最尷尬係當 Mrs. LAM 拍我膊頭先，我記唔起佢個名，只係敷衍佢咁講O左句 "恭喜晒" (恭喜什麼呀，又唔係人地結婚)。心裏對 Mrs. Lam 仍然記住佢對阿湘的特訓，當然我唔係佢o既愛徒，即使做了那些練習，亦不等於我 chem 拎 A ，但心裏總覺得有點不公平 ...

見到舊同學、舊老師，再一次感覺到自己老了，各人都長大了，唯一可以令大家再一次勾起回憶的，我相信是這一首校歌。

唱起校歌時，勾起很多中學的回憶，心裏有點酸溜溜的，但怎樣都好，回憶總是美好的。

萬里無雲

2008-11-15T23:22:00.003+08:00

本來好想影一張近日陽光伯伯的相給大家看，但近來真的忙到不可開交。有好多人話你結婚唔擺酒，其實都無乜O野要搞O者，大家想錯了，其實唔擺酒也有很多事情要辦的。
萬里無雲的日子令我第一時間想起墨爾本，我知道小晴很不喜歡我提起澳洲，但那一年的澳洲生活真的有令我值很懷念的日子，還記得第一天去到墨爾本的時候，最喜愛的就是天氣，陽光照著整個大地，但一點也不覺得熱，就好像近幾日有陽光得來也不熱不冷。
每次看見萬里無雲的日子，都令我想起中學趣事。話說中六時我和幾個兄弟要整一個壁報板，當年阿忠剛剛整斷了條 ACHILLES TENDON，要用拐杖行路，而好玩的雞爺就拿來一雙拐杖，剛巧當天放學後就是這樣好天，暖得來一片雲也沒有，他當時說了一句 "萬里無雲"，我們取笑他，他就想起腳踢我們，想不到他控制不了雙拐杖，單腳起飛時失手跌了落地，令到我們捧腹大笑。本來想係雞爺結婚當天講這個故事出來，可惜當天氣氛好像不容許我們這樣做 ^0^ 事過境遷，今天我們各有各的生活，你有你的忙碌，但這些回憶永遠在我心中，每當萬里無雲的日子，我就想起中學快樂的日子和一班好朋友兄弟。
距離結婚的日子不足七星期，心情沒有緊張，反而每天的覺得時間不夠用，很多事情要做，現在只有見步行步，那一樣殺到埋身就做邊樣，我知道自己己經病病地，但可能壓力令我製造勁多腎上線素，扺抗著這些病毒。希望結婚後可以鬆一鬆，天氣近來轉涼了，大家都要保重呀，否則邊有健康身體參加我O既婚禮呀？^^

我結婚了 !!

2008-10-15T21:58:00.004+08:00

想了很久，何時才宣佈我的婚訊呢？因為太早，我怕會驚動我的同事 (不知為何，總不想老細知道我結婚，好像有點痛腳在他手)。但最後我決定於這個星期同老細講，因為這個星期老馬唔係醫院，依老細o既性格，聽罷就算 (又一次證明男人做老細好 d ) 另外，到這裡的人大多是老朋友，早一點講俾大家聽也應該的。Facebook 就可能要等我同我老細講了之後才宣佈，而結婚亦可能係稍後時間發佈，現在俾住幅單人照大家睇睇先。
臨近結婚，工作真的越來越多，而且醫院、診所、教書、新屋 ... 全部都逼在 10 月，瘡都爆埋 (好少何生背脊嘛 ~~) ，壓力大之餘亦覺得幫唔到小晴，我知佢都好多o野做，所以這裡本來有好多o野想講，但都要隔很久才可以 update 一次。11月我相信更忙，因為過大禮啦，派帖啦，老實講，真係唔係好識派帖，因為唔擺酒，派張帖俾人 (尤其係幾年無見o個 d ，又或者係舊同事 ...) 唔知人地俾咩反應好，最好就係大家網上知道我結婚，再聯絡，感覺上無咁 odd 囉。
題外話：大家覺得幅相影成點呢？ ^0^

辭職的勇氣

2008-09-27T14:11:00.000+08:00

上星期參與o左 edmond 同 shirley o既婚禮，係度再一次恭喜一對新人恩恩愛愛、白頭偕老。第一次做婚禮o既司儀，俾自己 55 分，因為無乜甩咀，無講錯大獲o野。同一時間見到好多舊同學，仲見到阿強的 BB 添，但可能太少見陌生人，有點害怕，多 d 帶佢出o黎見我地班世叔怕啦。^0^

席間聽到有位兄弟毅然放棄高薪厚職去出o黎創一番事業，聽到真的有點愕然，因為一向求穩定的他有這樣的決定，相信背後一定有很大的信念及動力，還記得 6 年前一起話搞生意，最後大家不歡而散，今天有人再次踏進這個是非地，希望有不一樣的命運啦。

前排都有一位同事向我傾訴，問我好唔好辭職，我分析了形勢及情況，作出了些意見，有時候辭職係需要很大的勇氣，因為人喜歡穩定，以不變應萬變。我知道呢位同事走o既機會很微，因為畢竟佢已經係法國做o左 5 年，同碧姬一樣，我覺得佢地唔會走，因為咁o既工作環境，要走，一早走了。星期四老馬又發癲，開了兩小時的會，當然又要 OT 啦，到今日為至，最唔滿意的，都是她那種 "對人不對事" 的工作模式，因為她的愛將犯錯，可以將所有責任推到另一人身上，真的可怕 ... 我唔喜歡在這樣的環境下工作。

咁我點解仲係度呢？望著天空，我心知東風還未到 ...

一年容易又中秋

2008-09-14T22:57:00.001+08:00

今日係中秋節，在此祝大家中秋節快樂，希望人人都可以同家人團圓，開開心心。
今日都仲要返工，因為上星期去了美國 (只不過係老細O既藉口) ，今個星期要直踩到星期二先有得放。返屋企途中有少少感觸，今日係中秋 ...
還記得 5 年前，初初同小晴拍拖，中秋就要返大陸學針灸，以往每一年都同屋企人過中秋，但由那一年開始，我地一班大學同學就組團返廣州玩，話就話探學針灸的同學，但其實都係想一大班人一齊玩下O者，當年三妹都未拍拖，仲話同我地成班有拖拍的人有點尷尬，宜家咪自己拖住女朋友二人世界 ...
兩年前係澳洲讀書，中秋節都有點感觸，正所謂每逢佳節倍思親，望住個月光，心諗真係可以千里共嬋娟？要知道外國O既月光真係無咁圓，心諗會唔會小晴都同一時間望住同一個月光呢？今日再望月光，已經無O左一班人出外玩O既日子，幸運的還有小晴陪伴我。有人話：一年容易又中秋，呢一年我係咪過得太難呢？點解我好似唔記得上一年中秋點過呢？返屋企途中見到一些小朋友係到玩螢光圈，仲多了一大班阿伯係度玩牌 ... 香港社會變了，老人多過細路，那裡仲有人煲蠟呀，那種危險又刺激的兒時玩意，我相信只可以長留心中，自己慢慢回憶。希望快 D 到下一年中秋，咁咪即係好容易過囉，哈哈。

好戲連場

2008-09-14T22:14:00.000+08:00

熟悉我的人都知道我喜愛在搭飛機時看戲，因為幾千至萬幾蚊一張機票，只係瞓覺好o徒o者，所以今次來回 24 小時的飛機旅程中，看了 10 套戲，哈哈，好過癮，但隻眼有點累 ...

功夫熊貓
呢套戲之前小晴同阿媽已經睇o左，本以為有好多喻意，但其實都係一般，卡通片，簡單喻意：唔好睇小自己，世界無意外，冥冥中已經有所安排。

IRON MAN
最初覺得套戲無乜 CLASS ，睇落去又覺得好好睇，寓意深長。講一個好鍾意發明新科技的人被自己的科技害到差 D 無命，最後要破壞番自己製造的東西。反思物件的好壞，在於何人使用，好人可以好好用，貢獻社會，若果落在壞人手上，物件就係邪惡之物。

加士柏王子
一看無妨

一夜賭城戀大O左
最初上畫時已經想睇，但我知小晴對於呢 D 外國式的愛情故事麻麻，所以都係一個人睇好 D。同我想像中差不多，笑位有，故事感人，可惜我覺得描述兩個主角由互相攻擊到互相鍾意對方的時間不夠，令人覺得無理由兩個明明好憎對方後來又鍾意O左對方。

功夫之王
失敗之作，不但只無將中國功夫O既精髓話俾外國人聽，而且將中國功夫科幻化了很多，沒有那種硬橋硬馬真功夫O既感覺。

三國之見龍卸甲
失敗之中的失敗，我相信係劉華同洪金寶一生人拍得最差的電影之一。我相信睇過的人都會失望，有睇三國演義的人會覺得好嬲，打三國志長大的人會覺得呢 D 垃圾片都搬上銀幕，慶幸的自己只係O係機上睇，你當免費啦，否則叫佢回水。完全將趙雲描寫到一個只有英雄回憶的老人家，故事的時間性完全錯O西，真的很差。

SPEED RACER
一套會令人頭暈的賽車片，若果想睇阿 RAIN 的話可能會失望，因為出鏡不多，故事其實寫得唔錯，可惜佢用 23 世紀的車 ... 唔係好識睇囉。

大象阿笨救世界
睇O左一半已經 CUT O左，呢套卡通片寓意都幾深，細路仔究竟明唔明O架，講我地呢個生活緊O既社會只係阿笨O個世界的一朵之中的一粒塵 ... 你話我地個世界幾秒小呢?

FORGETTING SARAH MARSHALL
驚喜之作，值得推介，唔知道會唔會香港有得做，睇到呢套戲係因為之前已經睇O左很多戲，開始要揀戲，睇到簡介話 "男人四十戇居居" 的監製，心諗呢套戲好笑喎，應該係 "美國處男" 的製作班底掛，一睇果然係好戲，好好笑，女主角超靚超索，最好睇係個故事，O岩 20 -35 歲男士睇，一定覺得有笑位。故事講一個男主角失戀，去夏威夷度假散心，可惜又見返個舊女友，仲要撞正同個新男友一齊，最後當然識O左個新女友啦。故事結構簡單，但內容卻超抵死，睇O左幾分鐘已經笑到唔停口，大家睇完若果覺得仲係見龍卸甲好睇 D 的話，我無O野講。

NIM'S ISLAND
唔記得中文名係乜，細路仔同大人相處O既片，睇到一半架飛機已經返到香港，無睇後尾。

美加之旅

2008-09-10T10:36:00.000+08:00

很想去旅行，因為自從澳洲回來之後都未放過自己一個長假，尤其係個個同事都放過假的時候。當然啦，我覺得放假都好重要，所以地點同人物都好重要。前陣子阿媽好語重心長咁話我結o左婚之後都唔會同佢地去旅行o架啦，可唔可以係結婚前同佢地兩老去最後一次旅行。嘩！講到咁誇，就知我阿媽想去o既地方一定唔o野少，雖然美國三年前先去過，亦都同家姐有同一諗法，就係唔會咁快再到，但更想不到的是前兩日又去返同一地方。

其實最初o既目的地係- 新奧爾良，無錯，大家都知呢個風城，事有巧合，我 8 月 31 日去，個風就打到正一正，我想去都去唔到，因為全城戒嚴而且封鎖機場，幸運的是我們在 LA 已經見到親戚 (只差一步，我地就會留係機場過 3 日 ...) 所以我地就留係 LA 3 天，洛杉磯同三番巿對我來說都唔陌生，其實我對今次旅程無乜期望，反正我只想休息一下，俾個腦同身體 RELAX，所以去邊我都無乜所謂，反觀我阿爸就有點唔開心，用咁多錢去一 D 佢去過的地方。至旅加拿大的溫哥華，感覺比美國好好多，雖然佢無好多好大的景點，但我覺得俾人感覺很舒服，而且"人" 都 NICE d ，美國人真的很寸，若非必要，真係唔想同美國人傾偈。

今次旅程雖然是平凡了點，但都覺得還了母親的一個心願，同阿爸溝通多了些，今次傾偈時間係等如之前 29 年來說話的時間 (我絕無誇大，平日我好少同我阿爸傾偈) ，看見他們真係老了很多，我知道今次行程他們都很辛苦，因為我無乜就佢地，佢地o既 speed 好慢，一返到香港我就知道呢 10 日佢地行得好快，都係o個句 "珍惜眼前人"。

新機登場

2008-08-22T00:09:00.000+08:00

等了很久，考慮很久才買了部新 DC ，我相信對於好多人來說，相機真的當玩具，但對於我來說，我要考慮很久。最後我都係揀了 canon 860 IS ，雖然得八百萬像數，但有 28mm 廣角鏡，暫時感覺不錯，可惜近日打風又要返工，待 9 月美國之旅時希望影多 d 靚相。

死佬日記

2008-08-21T23:54:00.000+08:00

前排同小晴、樑仔一 pair 去睇舞台劇 - 死佬日記，由歐錦棠主演 (其實得佢做 ...) ，雖然卡士麻麻，而且唔係心目中的那些舞台劇，但內容其實都幾有趣。但先旨聲明，我對於佢一分鐘之內講十幾次 "x 街" 有保留，我相信只有 50% 的男士係會咁 (而我絕對係另外的 50%) ，有好多人都寫過、講過男同女有咩分別，得出點解女仔永遠同男仔鬧交。呢套劇基本上都份圍繞著這個話題，不過佢用遠古文明去講：男人天生是搜獵者，而女人天生係收集者。因此，男同女做事同諗法永遠都有分歧，有適合一 d 成日鬧交的情侶去睇。

搬家

2008-08-12T23:45:00.000+08:00

人生到了某一階段，就要做某一件事。修身、齊家、治國、平天下是我的理想。今天我放下了創作了多年的網頁及 "寫我心情"，來到這個新的地方，真是有點不捨得，但心想，網頁真的沒有太多時間繼續經營下去，反之每幾個星期 update 一次 "寫我心情"，倒不如建立一個新的天地，這裡可以隨時 update 嘛 (我已厭倦麻煩的 frontpage 了 !)

所以我決定由今天開始，將網頁搬到這裡。