公平

應同事要求，身為 TEAM LEADER 要為同事抱不平。自小都知道世界唔公平，仍唔期望凡事公平，身為一個老細，更難做到持平，這一點我是理解的，但昨天的會議，反而令我有點火。
話說我地 TEAM 有 5 個叫做所謂 EXPERIENCE D 的同事，理應輪流 ON-CALL，其中一位同事因為 ON-CALL 得太多，所以想反映下，怎料老細很認真地話己經很公平，仲要拎個更表每一個月讀一次，一路講仲要一路話公平。其實某位同事己經知道我地講緊佢，會後我感到佢有少許不悅。你們說，一個TEAM 4 個月裏，ON-CALL 次數，A 同事: 3 次, B 同事：16 次，C 同事 10 次, D 同事: 5 次，E 同事: 10 次。大家差不多 EXPERIENCE ，你們若果是老闆，還可以說公平嗎？我老細可以！我成日都同 B 同事講，你試下講出來。我想不到我老細唔認。唔公平我接受，但你竟然唔認！！你係老細，你可以大大聲用一萬個藉口話 A 同事什麼什麼，但你絕唔可以話自己公平囉，很難服眾的。又一次警惕自己，若果我係老細，己經有死士同自己講有不平，一定要CHECK 清楚，唔可以一隻耳開一隻耳閂。
由今天開始放 3 日假，今次無乜心情去外地，決定留港消費，真的很久沒有這樣放假，希望好好地 CHARGE 電，清清我積壓很久的工作。